影片
更多
2020-07-03
98 浏览
好难得一家一齐庆祝父亲节！之前睇到社交平台介绍好似几正咁...又有打边炉、刺身，中日放题，啱晒唔同口味谂住好多人会预祝父亲节，所以一早book定位，食星期六最早个场5点，收费$188加一，入场前要先拣定火锅汤底，我地拣咗芫茜皮蛋，坐低后汤底都几快送到。火锅料用QR Code落单，非常方便，火锅料种类不太多，但有连壳帆立贝，急冻生蚝同蚬。自助区有大量蔬菜及丸类，比较特别嘅系火锅料有小笼包😂，我都有叫两粒试吓，同蒸个d冇咩分别。肉类方面，牛我只点牛肩胛，但头两次嚟嘅应该都系普通肥牛，唯独有一次嚟嘅牛，纹理同之前嘅唔同，估计只系有一次送咗牛肩胛嚟。刺身（当日有7款）每次只限攞3款...其实都ok，食完先再攞，不过到我差不多食完先见工作人员切紧原条吞拿鱼，到最后系食唔到嘅...个人认为赤虾唔错，好爽口。同爸爸食饭一定要揾间有啤酒饮嘅，呢间有韩国罐装啤酒，满足到老豆，仲有Somersby苹果酒任饮，啱哂女仔饮！本身想饮吓梅酒同清酒，可惜清酒杯同壶一早俾人攞哂...冇fill番。系自助区攞咗小小热食，茶碗蒸就麻麻地，好淡，好似冇调味咁。天妇罗个南瓜同虾ok，但炸浆厚咗小小甜品种类多，雪糕、啫喱、奶
谂住好多人会预祝父亲节，所以一早book定位，食星期六最早个场5点，收费$188加一，入场前要先拣定火锅汤底，我地拣咗芫茜皮蛋，坐低后汤底都几快送到。
火锅料用QR Code落单，非常方便，火锅料种类不太多，但有连壳帆立贝，急冻生蚝同蚬。
自助区有大量蔬菜及丸类，比较特别嘅系火锅料有小笼包😂，我都有叫两粒试吓，同蒸个d冇咩分别。
肉类方面，牛我只点牛肩胛，但头两次嚟嘅应该都系普通肥牛，唯独有一次嚟嘅牛，纹理同之前嘅唔同，估计只系有一次送咗牛肩胛嚟。
刺身（当日有7款）每次只限攞3款...其实都ok，食完先再攞，不过到我差不多食完先见工作人员切紧原条吞拿鱼，到最后系食唔到嘅...个人认为赤虾唔错，好爽口。
同爸爸食饭一定要揾间有啤酒饮嘅，呢间有韩国罐装啤酒，满足到老豆，仲有Somersby苹果酒任饮，啱哂女仔饮！本身想饮吓梅酒同清酒，可惜清酒杯同壶一早俾人攞哂...冇fill番。
系自助区攞咗小小热食，茶碗蒸就麻麻地，好淡，好似冇调味咁。
天妇罗个南瓜同虾ok，但炸浆厚咗小小
甜品种类多，雪糕、啫喱、奶冻应有尽有，要讲嘅系frozen yogurt（当日系原味同蜜瓜味），通常放题有嘅yogurt都系伏，但估佢唔到同出面街食个d一样味，我都食咗两杯
雪糕系细细杯装，试哂佢4种味
比较少见嘅系牛奶糖味同玄米茶味，好浓😋
乳酪味同阿菠萝鲜果乳酪个底系一样㗎，童年回忆😆
整体嚟讲，每人二百几蚊都几抵食👍🏻
张贴
