影片
更多
2017-12-05
4809 浏览
另一半生日，由于佢中意饮红酒，所以我主要想揾一间食牛扒嘅餐厅，Open Rice见到位于Sheraton 内嘅呢间餐厅除左牛扒出名，特别在会为生日嘅客人特别print一张有生日字句嘅menu,于是就订位了。当晚订了7点，到步时Receptionist 表示未准备好张台，于是安排我哋去bar𠮶边饮下嘢，我就叫左杯mock tail 全因叫Fly Me to The Moon，由几种果汁mix埋，酸酸地，啱晒一阵食扒。嘢饮送到时刚好可以入座，初时打嚟confirm时有request window seat，佢地话要睇情况，今日人好多都安排到🙏🏼我哋一坐低有一两个侍应同另一半讲Happy Birthday ，然后佢睇到张Menu写咗Happy Birthday 非常开心😃我哋睇咗一阵个menu 都未决定到食边种扒，咁啱侍应话只有星期六日供应嘅Prim Rib仲有一块，而我哋初时睇menu话要预订，原本谂住冇架，于是我地就拣佢喇。Appetizers就叫半打生蚝，Side dish系露笋同芝士松露炸薯条。首先上台嘅系呢个外脆内软嘅洋葱包，烤得好香，唔使搽牛油都得，好食到我哋要叫自己唔好食咁多，
当晚订了7点，到步时Receptionist 表示未准备好张台，于是安排我哋去bar𠮶边饮下嘢，我就叫左杯mock tail 全因叫Fly Me to The Moon，由几种果汁mix埋，酸酸地，啱晒一阵食扒。
嘢饮送到时刚好可以入座，初时打嚟confirm时有request window seat，佢地话要睇情况，今日人好多都安排到🙏🏼我哋一坐低有一两个侍应同另一半讲Happy Birthday ，然后佢睇到张Menu写咗Happy Birthday 非常开心😃
我哋睇咗一阵个menu 都未决定到食边种扒，咁啱侍应话只有星期六日供应嘅Prim Rib仲有一块，而我哋初时睇menu话要预订，原本谂住冇架，于是我地就拣佢喇。Appetizers就叫半打生蚝，Side dish系露笋同芝士松露炸薯条。
首先上台嘅系呢个外脆内软嘅洋葱包，烤得好香，唔使搽牛油都得，好食到我哋要叫自己唔好食咁多，因为仲有好多嘢食。
之后就上生蚝，由于另一半唔食仲好怕腥，呢盘蚝上台完全冇腥味，好新鲜，我一个鲸吞六只实在太幸福喇😆
好快地到主角同side dish。呢份扒超巨型，两人食都有点多，而点菜时侍应无问我地要几成，切开系medium rare,睇嚟佢哋认为咁厚要medium rare系刚刚好，唔会太靭。肉味香，连住脂肪嘅肉非常嫩滑，另一半少吃肥膏都提我要试试😆唯一可挑剔系有一边seasoning 明显较另一边重手左啲
呢兜芝士松露薯条炸得好香口，薯条幼身唔会太腻又够香脆
食多两啖肉有呢碟露笋refresh 下，本身我不喜欢露笋，另一半就好喜欢，而且提议用烤嘅方式，比steam嘅好，可以减低菜青味。厨师仲用意大利陈醋加上面，更加可以清清口内嘅肥腻口感
经过一轮努力我地竟然食晒块扒，洋葱包及薯条要带走。跟住就上呢个送嘅甜品喇，佢哋仲帮我地影相同晒相，仲用张签晒侍应名嘅卡入好，好有心思❤️生日的佢同我都非常开心。
张贴
