Zappy (已結業)

朋友话之前黎食过好好味，所以我生日佢话已经BOOK左位带我黎食，入到去舖头装潢简约，餐厅以白灰色为主，环境静静地，感觉好舒服😌 在繁忙既闹巿中添上一份宁静，因为座位数目唔多，所以建议大家最好BOOK左位先。因为我好钟意食牛同海鲜，所以一黎就点左个牛扒（和风慢烧纽西兰肉眼扒），仲有Openrice 推荐既XO酱大虾意大利面同好多人都有POST既白酒忌廉汁煮贝壳锅。个汤好味，系少左D，如果再大碗少少就更正。个虾真系超得，又大只又爽口，XO酱岩岩好，唔会好咸，可能我比较钟意食天使面，呢个面感觉略微有少少粗身左。睇下几大只，真系好正呀。（推介）味道岩岩好，唔会太生或太熟，咬落去唔会有渣，真心推介，但如果个牛再厚少少就更正。（推介）个白汁真系好正，呢个都一定要试，食之前要先食底个啲先，青口捞呢个汁真系无得顶。个包又劲好食，点汁一流，基本上叫左呢个锅，最后只余下一堆壳，啲汁系唔会有得净。个蛋糕冻冻地，食落好似食紧雪糕咁，系有少少过甜，但店员知道我生日仲用朱古力酱唧左啲字同公仔，好靓，所以帮佢加左分。呢个好酸，用真柠檬整咁，但我朋友就好欣赏，仲话想食多个。最后餐厅待应好NICE好勤快，成日都会留意住