Outback Steakhouse (銅鑼灣廣場一期)

营业中

休息中

今日同朋友庆祝生日， 拣咗佢最钟意嘅outback。 因为预先book咗位，职员帮我哋安排咗一个近窗边嘅卡位， 非常宁静舒服。我哋点咗两个set，首先嚟嘅系餐汤同埋黑糖面包。 餐汤系洋葱汤，阵阵洋葱味，但唔会太浓，忌廉汤唔会太过杰身，亦唔会太稀，非常好饮。 旁边仲有好清新嘅沙律。黑糖面包有淡淡的黑糖味，非常软熟。主菜香草蕃茄海鲜长通粉， 番茄味足够， 青口够新鲜，长通粉够烟韧，唔会太林，口感恰到好处。烤肉酱味猪肋骨份量足够，烧得香脆可口，唔会太㶶，仲有烤肉酱配埋， 再加埋伴碟薯条，金黄香脆，薯仔味亦足够， 完全是味觉的享受。餐饮虽然系普通嘅热柠水，但系柠檬味好足，有好多块柠檬，又唔会太淡或太酸，而且可以无限添饮。因为朋友生日，所以我预先book咗个生日蛋糕，仲系免费添，虽然系免费，但系一啲都唔求其，伴碟有唔同嘅生果同埋芒果酱，芝士蛋糕唔会太甜，口感很好，卖相仲好靓添，职员仲好好点埋蜡烛，好有气氛。