影片
更多
2018-08-29
89 浏览
是日好友生日，知道佢想黎呢度食饭好耐，就一于带佢黎到访啦。坐低之后，我地首先叫左两杯mocktail，分别系peach ocean同埋Mango Freeze。两杯卖相都好靓，各有风格，Peach Ocean更以一个小袋里面装住饮品，再放入一个放左咖啡糖系底嘅玻璃杯做装饰，只系卖相已经非常吸引。至于味道，果味相当香浓，入口仲唔会太甜，值得一赞。英式烤香肠：肠仔几时都系我嘅最爱，今日系餐牌见到，真系唔叫唔得。呢份英式烤香肠共有四款肠，如果我味觉无错嘅话，应该系芝士肠，鸡肉肠同埋猪肉肠。每款肠都系切开上，咁样就方便大家同朋友一齐食。味道方面，一d都唔咸，入口仲好弹牙添，配埋秘制酱汁食，真系好好味。除此之外，伴碟嘅仲有唔同款式嘅橄榄，令到整体卖相唔会咁寡。Jumbo spain red prawn with linguine：呢个意粉系今日嘅特式推介，系平时嘅餐牌上系无架。虽然价钱唔平，但系知道有原只大虾就真系好想试下。上菜时见到呢份意粉，真系令我地哗一声，只虾真系好大只，味道鲜甜而且非常弹牙，配埋挂上海鲜酱汁而且煮到al dente 嘅意粉，真系令到我返到屋企后都再三回味。葡式香草辣烤鸡
坐低之后，我地首先叫左两杯mocktail，分别系peach ocean同埋Mango Freeze。
两杯卖相都好靓，各有风格，Peach Ocean更以一个小袋里面装住饮品，再放入一个放左咖啡糖系底嘅玻璃杯做装饰，只系卖相已经非常吸引。至于味道，果味相当香浓，入口仲唔会太甜，值得一赞。
英式烤香肠：肠仔几时都系我嘅最爱，今日系餐牌见到，真系唔叫唔得。呢份英式烤香肠共有四款肠，如果我味觉无错嘅话，应该系芝士肠，鸡肉肠同埋猪肉肠。每款肠都系切开上，咁样就方便大家同朋友一齐食。味道方面，一d都唔咸，入口仲好弹牙添，配埋秘制酱汁食，真系好好味。除此之外，伴碟嘅仲有唔同款式嘅橄榄，令到整体卖相唔会咁寡。
Jumbo spain red prawn with linguine：呢个意粉系今日嘅特式推介，系平时嘅餐牌上系无架。虽然价钱唔平，但系知道有原只大虾就真系好想试下。
上菜时见到呢份意粉，真系令我地哗一声，只虾真系好大只，味道鲜甜而且非常弹牙，配埋挂上海鲜酱汁而且煮到al dente 嘅意粉，真系令到我返到屋企后都再三回味。
葡式香草辣烤鸡 ：期待已久嘅香草辣烤鸡终于等到啦，卖相真系相当精美，除左有沙律菜之外，仲有粟米添。烤鸡火喉刚刚好，腌得相当入味，亦带微微嘅辣味，入口非常juicy，如果可以配埋薯条或新薯嘅话，咁就完美啦。
香蕉太妃：
香蕉太妃（Banoffee）相信系我系外国生活时开始喜爱嘅甜品之一，同其他地方食到嘅banoffee pie 唔同，呢度嘅banoffee 系以一层香蕉蛋糕，一层 frozen cream 同一层朱古力蛋糕整成，上面再淋上拖肥，食落好有层次感，不过要记住份量都唔少，如果想用黎做饭后甜品嘅话记得叫完一份唔够先好再叫呀。
呢度无论食物味道，卖相，服务同埋环境都非常好，真系一个非常适合一大班人庆祝嘅好地方。
张贴
