La Mensa Grill & Bar (Plaza 88)

营业中

休息中

朋友最近生日，大家揾咗间餐厅一齐庆祝生日。餐厅环境都算方便，喺荃新天地附近。餐厅环境装修都几有气氛情调。LINGUINE VONGOLE 蛤蜊意大利面呢个意粉系用新鲜蛤蜊、柠檬牛油酱，再加上少少辛辣嘅味道，好开胃好食，意粉硬度啱啱好，有水准。MEAT LOVER PIZZA 肉类爱好者披萨同朋友都系食肉兽，就拣咗呢个pizza。Pizza 有火腿、意大利腊肠、香肠、鸡肉、意大利辣香肠、烧烤酱、芝麻菜。佢呢度好好Pizza可以拣厚嘅批底或者薄嘅批底。我哋拣咗薄嘅批底，批底好食有面粉香，再加上足料嘅芝士同埋配料，好满足。HOMEMADE TIRAMISU 自制提拉米苏Tiramisu属于美式嘅口味，系平时我哋香港人习惯嘅口味，佢又唔会太甜，朱古力同埋芝士甜味等等都配合得啱啱好。生日嘅文字等等都写得好靓，好有心思。最惊喜系佢呢度我哋庆祝生日，餐厅竟然会播生日歌，连身边啲外国人食客都同我哋讲Happy birthday，好有气氛。