黑木亭居酒屋 (清風街) (已結業)

黑木亭居酒屋小編生日，另一伴就好好搵左間日式居酒屋同我慶祝。上openrice 見到有好多人都推介呢間係天后的居酒屋，而咁岩又見到經openrice訂位有折，所以就去試下。 照燒雞扒柚子沙律未食已經見到雞扒排得好靚，同埋份量都多。入面有魚籽醬配生菜，味道好豐富，亦都非常新鮮。雞扒皮薄 好juicy再配埋柚子醋味 好開胃 非常適合作為前菜。 日本產A4和牛三文治重頭戲黎啦 三文治就食得落 但配埋A4和牛 就真係第一次。一份有四件，兩年有黑松露，兩件有海膽放係和牛上面，整係呢個配搭，就足以嘩幾聲。吉烈和牛外面脆得黎唔覺油，和牛亦好厚肉，食落真係好好味。海膽亦好新鮮、黑松露亦好重味道。 海膽和牛飯雖然飯就不是好大個，但就非常足料，和牛味好濃烈再配埋海膽，有鹹香同鮮味，加埋個wasabi，味道更加豐富，真係好好食。 另外亦叫左好多串燒，串燒燒得岩岩好，食落去唔會好乾，上面有不同的醬汁，更可以帶出串燒的味道。