吞POT 雞煲火鍋.住家菜 (譽發廣場) (已結業)

上个星期同朋友庆祝生日，拣咗吞pot，旺角分店有去过，油麻地呢间我就未来过，又借此几会来试试。先叫咗个鸡煲翅，好钟意！可能我自己本身都钟意饮鸡汤，呢个系加强版，浓稠好多，一定要饮咗一碗汤，先开始打边炉。里面嘅汤料算多，只鸡煲咗咁耐，出奇地仍然好滑！今次印象最深刻嘅配料，系蟹籽墨鱼滑、美国桶蚝、响铃。响铃真系炸得超香脆，唔舍得放落汤浸淋，轻灼一下就好。美国桶蚝新鲜大只 ，煮熟咗的size都唔会缩得好劲。仲有我最钟意嘅蟹籽墨鱼滑，真材实料，爽口弹牙。今晚我哋六个人，人均消费大概$300，真系好抵食。遇着有优惠会更加抵，大家有兴趣一定要试吓。