Munch (已結業)

一向有睇开OPENRICE就睇下生日去边到庆祝好，发现左呢间系生日庆祝圣地。一去到觉得门口已经好特别，好多张相，好艺术。入到去个环境都几舒服，我地咁岩可以坐系角位，可以有多Ｄ私人空间唔洗好似成日食野都俾人望住咁。之后我同男朋友就叫左几个菜式。呢个前菜蟹饼真系啖啖肉，但其实闻唔到蟹香既，不过配埋佢既类似千岛酱既汁都几Match望落去好似唔系好多咁，但其实都几够食嫁！份量唔少。呢个下次去都可以再食！呢个系蟹肉意大利饭，要热食先好味，都好creamy，好多蟹肉，饭软硬度适中啦如果冻左食就会再硬Ｄ，所以要热食先好。西冷扒好好味!!!! 叫左７成熟，岩岩好再配合个磨菇汁，唔会太咸，味道好夹。牛扒又好大块，一路食呢个再食个蟹肉饭，好正！另外个著茸要讲下，我本身钟意食薯仔，觉得呢个好滑好soft，入面有Ｄ脆脆系到，好有口感！到最后，俾big surprise男朋友，我一早订位果时订埋个生日甜品，可以写埋字俾佢。甜品好食，又其是拿破伦入面既吉士馅。唯一美中不足既系佢迟左上个甜品，搞到男朋友话要走我又要扮肚仔唔舒服先坐多阵。整体黎讲系唔错既晚餐～