君好扒燒西餐廳 (已結業)

女朋友生日,谂住食好D，记得佢提过话想食石烧，朋友介绍话君好扒烧餐厅几好，于是就打电话去book位，比个惊喜女朋友喇因为我地book左位既关系，唔洗等就可以入去，环境几靓几干净,女朋友见到MENU之后仲开心，有佢想食既野啵,仲唔开心咩,呵呵!!职员过来介绍同埋帮我地落单，态度很NICE，赞好。我地分别叫左肉眼拼大虾及西冷牛扒拼龙虾尾。落完单职员就同我地讲可以自己出去拎野食，眼见种类都ok,有冻虾,青口,烟生文鱼,冻肠,沙律菜,生果,甜品,蛋糕等等...好新鲜,令人见到食欲大震。我地食下倾下，见好多比我地迟来既客人都以经上左石烧,点解我地仲未有??细问之下原来系要我地order先上菜的，oh....原来系咁，唔怪得啦！落左Order之后上石烧喇，餐厅有围裙比我地防止Ｄ油弹落我地身度，职员仲好细心咁同我地讲点烧，烧几耐，几时落调味，跟住就到我地大显身手自己烧喇，"滋...滋...滋..."听到都开心！不过我就低估左旧石既热力，烧耐左，Ｄ肉熟晒有D"鞋"。而女朋友既肉眼就烧得好JUICY，果然女仔整野食会好D。而大虾同龙虾尾就烧得好好，好鲜甜同埋弹牙，不错不错。食完石烧之后我地仲去拎甜品食添