星耀廳

为庆祝生日，同朋友买左个庆生PACKAGE，包早餐同晚餐自助餐。先讲下星耀厅既环境，楼底够高，减低左个压迫感，而且干净舒服。晚餐自助餐系有3.5小时可以食，对于我黎讲时间非常充裕。系食物方面，五花八门的食物。最多人食既一定系海鲜类啦，当日有龙虾、蟹钳、青口、虾同小龙虾等。龙虾系最多人夹，但我自己就中意食虾同蟹钳多D，比较鲜甜，其他就普通，而且我最中意既长脚蟹脚当日系冇，都几失望！另一样，觉得好食既系剌身，虽然只有４款的选择，包括三文鱼、带子、甜虾及油甘鱼。每款都系好肥美呀，特别系带子!系讲熟食之前，想讲左甜品先，因为呢到既甜品区，比我想像多好多，有面包布丁，各种既蛋糕仔，果冻，雪糕等等。每款食一样，都已经饱晒了。点解熟食会留番最后讲，因为觉得系咁多区域黎讲，算系比较普通，有炒饭、咖哩、牛扒等。印象比较深刻系烧虾同烧菠萝。其余既都唔觉有咩太大既惊喜。但整过环境同食物质素都唔错，食完仲可以番上楼上休息。