影片
更多
2022-07-31
3592 浏览
法日fusion菜，只试过arbor一家，系传统fine dining上似乎言之成理，但放落铁板烧依种咁传统嘅日式料理之上，实在令人很好奇～睇落去就知到底边到有法国料理元素！( •̀֊•́ ) ̖́-❝Sanka Special Course❞ ($1,750 +10% → $1,925)晚市有两个套餐选择，印象中分别只在于有无〔加拿大龙虾〕，品尝过后认为选择贵啲个个set系正确嘅！龙虾肉绝对系我所知嘅龙虾料理中数一数二出色，肉质弹牙爽口嘅程度难以媲美，配合浓稠﹑带甜味嘅酱汁令菜式升华至另一境界。首图嘅〔青森黑鲍鱼〕系个人大爱！size有翻咁上下，肉质弹牙而有韧性，鲜味被酱汁加乘后又系另一程度嘅美味。师傅系酱汁调配方面落咗唔少功夫，而依个特色系〔金目鲷〕上就更明显：本对烧鱼类无太大好感，有酱汁加持下又变大爱。酱汁抢眼出色、唔似传统日本料理咁尽量以原汁原味呈献食材就系个人认为山下铁板烧嘅法式元素。行政总厨山下泰伸曾经系日本同法国工作，希望将日本同法国料理融合，而酱汁往往就系法国料理嘅灵魂。风格独特，系别店未必揾到呢～〔特选黑毛和牛西冷〕油脂感满满﹑入口无筋而肉味浓厚，三成熟度令肉质保持鲜嫩，系铁
❝Sanka Special Course❞ ($1,750 +10% → $1,925)
晚市有两个套餐选择，印象中分别只在于有无〔加拿大龙虾〕，品尝过后认为选择贵啲个个set系正确嘅！龙虾肉绝对系我所知嘅龙虾料理中数一数二出色，肉质弹牙爽口嘅程度难以媲美，配合浓稠﹑带甜味嘅酱汁令菜式升华至另一境界。
首图嘅〔青森黑鲍鱼〕系个人大爱！size有翻咁上下，肉质弹牙而有韧性，鲜味被酱汁加乘后又系另一程度嘅美味。师傅系酱汁调配方面落咗唔少功夫，而依个特色系〔金目鲷〕上就更明显：本对烧鱼类无太大好感，有酱汁加持下又变大爱。
酱汁抢眼出色、唔似传统日本料理咁尽量以原汁原味呈献食材就系个人认为山下铁板烧嘅法式元素。行政总厨山下泰伸曾经系日本同法国工作，希望将日本同法国料理融合，而酱汁往往就系法国料理嘅灵魂。风格独特，系别店未必揾到呢～
〔特选黑毛和牛西冷〕油脂感满满﹑入口无筋而肉味浓厚，三成熟度令肉质保持鲜嫩，系铁板上已经香气扑鼻。而最有惊喜嘅要数黑松露蒸蛋！黑松露除咗带出香气，亦已完全渗透至嫩滑到立于固体同流质分界线之上嘅蒸蛋，融为一体。
因为当日实在太认真倾计而忘记为其他菜式拍照（鞠躬），但不得不提以〔雪芳蛋糕配雪糕〕作结亦系相当亮丽，蛋糕松软程度同雪糕绵滑程度都系餐厅将平凡食材发挥到极致嘅另一体现。
𓂃𓈒 𓂂𓏸 山下 𓏸𓂂 𓈒𓂃 @sanka_teppanyaki
中环士丹利街11号1楼
港铁站出口，步行约分钟抵达
每日12:00 - 15:00 / 18:00 - 23:00营业
𓂃𓈒 𓂂𓏸 用餐提示 𓏸𓂂 𓈒𓂃
店内设一张弧形长餐桌，食客肩并肩咁望住师傅系面前处理﹑系铁板上烹调食材。室内以高级日系风格装潢设计为主调。到访当日对我黎讲只系非常平凡嘅星期三，但对在场唔少人系纪念日／生日，而餐厅亦非常贴心帮忙庆祝～
❋ 全店只得10余个座位，建议尽早订座。
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃
餐点味道 | ♥︎♥︎♥︎♥︎♥︎♥︎♥︎♥︎♥︎♡
抵食指数 | ♥︎♥︎♥︎♥︎♥︎♥︎♥︎♡♡♡
店舖环境 | ♥︎♥︎♥︎♥︎♥︎♥︎♥︎♥︎♥︎♡
用餐体验 | ♥︎♥︎♥︎♥︎♥︎♥︎♥︎♥︎♥︎♡
推荐程度 | ♥︎♥︎♥︎♥︎♥︎♥︎♥︎♥︎♡♡
适合场景 | 庆祝节日﹑二人聚餐
更多同区美食 ☞ #17中环
更多同类美食 ☞ #17日本菜
♥️ 追 踪 @17feelgood 发 掘 更 多 高 质 感 食 事 / 日 常 / 旅 游 提 案 ♥️
张贴
