意法私房餐廳 (已結業)

今次3 周年纪念简左间环境比较有情调既西餐厅同女朋友庆祝。打去book 位个阵同佢地讲左系庆祝，个receptionist 话会帮我安排系甜品度写字， 到时点甜品就可以。我地叫左两个set, 我叫个set 有6 道菜， 我女朋友叫左个4 道菜。首先讲下我个set 先， 前菜系个黑毛猪肠仔沙律，平时都有去super market 自己买黎送沙律， 佢地只肠仔都算系大块同新鲜。跟住叫左带子，然后龙虾汤。我几钟意个龙虾汤因为够浓。跟住上左个sorbet , 我觉得好奇怪，未食完就食sorbet, 所以我问个侍应点解咁快食sorbet, 佢话系比我清一清口既味再食main course, 无几耐main course 就到。我叫左法国鸭脾， 烧鸭脾就食得多，法国鸭脾都系第一次。原来系脆口，我觉得几好食。女朋友就叫左鹅肝配蓝莓酱，佢系鹅肝fans 好钟意食鹅肝，佢话配蓝莓酱都几特别，下次自己煮个阵都可以试下配蓝莓酱。跟住系汤同main course, 佢唔系好钟意食肉所以叫左龙虾。龙虾好大只好食，不过切个阵真系有 d 难度。甜品系心太软同苹果金宝， 我女朋友见到个写左字既心太软好surprise