響葫蘆 燒物 . 居酒屋 (已結業)

 由于屋企人钟意食日本嘢,询问之下,朋友介绍一间新开日本料理,当晚人唔多,所以唔需要等位,入到裹面地方唔算大,但唔觉挤迫,坐低后,店员主动帮我将蛋糕放入雪柜,还推介我地食香橙焗银雪鱼,先嚟两个鱼生沙律(个汁好正,酸酸地,辣辣地,好开胃,夏天食一流),跟住就梗系刺生拼盆啦!(刺生好新鲜,d鱼生又大又厚),我地一边食一边点菜,到酒煮大蚬喇!(蚬肉够大只又鲜甜,阿妈仲饮晒d汤添),仲有一条烧日本金目鲷(鱼皮香脆,肉质甜美),终于等到香橙焗银雪鱼喇!(放上枱已经闻到好香,鱼肉好滑,加上个汁酸酸地好醒胃,d橙反而唔酸,估唔到银雪鱼可以食,可能我见识小啦!),突然间店员送上一碗乌冬,话送俾两位小朋友食,哈哈!真系服侍周到!期间都叫咗好多嘢食,有汁烧安格斯牛扒(好嫩,一d都唔韧,可惜小咗d),牛油果软壳蟹卷(外软内脆,老婆唔食蟹都话正),由于唔够喉再加多几客火灸三文鱼寿司(哈哈!真系好厚肉,老豆一个人食咗几件),最后师傅出嚟问我地试唔试日本岩蚝，今日空运到港,心想梗系试，我至爱!（d蚝一d都唔腥，好鲜甜，又大只，阿妈仲想食，可惜只得５只）,今晚真系好满足,下个月老婆生日,一定再去!