芝脆雞 (已結業)

今日圣诞节，两个哥哥都带晒佢地d女出街，所以我就系屋企同妈咪同男朋友同埋两个舅父庆祝...原本想叫pizza hut，上网点餐禁完先发觉速递要等成3个钟，真系呆左，如果自取就等1个钟倒...但系又唔想行咁远，所以就谂住食近近地系楼下商场既芝脆鸡，打电话问左，如果自取就等4-5个字，送外卖就要1个半钟，最后我同男朋友就落去买，因为唔想等咁耐 我地叫左个四至五人套餐($228)+蒜蓉包($28)佢即刻整完拎出黎，我地即刻拎返屋企，估唔到已经得返微暖 啖啖肉pizza:麻麻地，味道系唔差，而且个pizza好厚，但系d料太少...炸鸡(5件):1人1件岩岩好，味道拍得住kfc个d，皮脆肉嫩，赞 墨西哥辣肉酱焗饭:个酱唔错，有牛肉粒，蘑菇，栗米粒，辣椒等...好似肉酱意粉个酱咁，不过呢个食落去有小小辣，几过瘾，不过似乎同饭唔系好夹，如果有得转意粉就好啦，一定好夹 菠菜龙脷柳焗饭:个汁好多同好重芝士味，龙脷柳都好大块，抵食...蒜蓉包:一开始以为好似pizza hut个d咁成条过，点知唔系，一开始有d失望，不过食完即刻改观...脆，真系好脆，仲好有蒜蓉味 忌廉栗米汤:唔错，连我呢个唔钟意