Thirty First of May (已結業)

为咗庆祝揾工成功,今晚决定同男朋友食餐好嘅! 左拣右拣, 最后拣咗呢间又有得食西餐又有得食海鲜既 Thirty First of may。装修都几靓, 喺餐厅中间有个大月亮, 成件事好浪漫好有feel。上咗个海鲜拚盘已经话哗哗声! 啲海鲜件件都又大件又新鲜! 最钟意就系翡翠螺又大粒又鲜甜, 平时真系冇咩机会食到! 另外，生蚝同青口都唔错, 食得出都新鲜又鲜甜，可以食到咁大件嘅海鲜确实系开心~呢个三文鱼头盘真系我全晚嘅至爱! 三文鱼比好多日本餐厅嘅都好食，亦都要黎得新鲜，将三文鱼、三文鱼籽同配菜一齐放入口食嘅感觉真系好清新, 而又爽口，份量都充嘅。但我超钟意食菜，😍如果可以再俾多d我，我会更加满足开心黑松露汤同甘笋汤好饮，唔系求其俾罐头汤你，系有诚意嘅作品，而系真系有放到新鲜食材自己调制嘅。最后呢到主菜西班牙海鲜饭, 个饭炒得好香好好食, 味道带少少酸酸咸咸，咁几开胃。啲海鲜份量亦唔少, 同饭嘅味道都好夹。 比出面既海鲜饭好食好多~月球下的我们对呢餐都好满意, 如果又想食海鲜又想食西餐嘅话, 呢间都系一个好选择!