響 - Hibiki 日本燒肉 (已結業)

特别日子过得有仪式感d, 庆祝下都会开心d! 520呢个日子，一早就book 左之前食过觉得唔错又满足嘅日本烧肉响。2位或以上送波士顿龙虾半只，4位或以上送喜之次1条，8位送两条。重点而家黄金时段做紧优惠79折，人均$400真系值回票价！ 高质日式烧肉、盐烧、天妇罗 、刺身、小食 & 酒精类畅饮 （啤酒、红白酒、清酒、柚子酒、梅酒）任饮任食2.5小时～无酒精饮品都有两个柜，仲会有3款茶包供应。呢度供应嘅水都系支装水，干净卫生d!每款酒都已配备好相应杯子同酒壶，如果系好中意饮酒嘅一定好满足!第一转送的刺身拼盘会有埋海胆紫菜。最推介的刺身类： 三文鱼够肥美、带子算鲜甜～最推介烧肉类：澳洲和牛西冷、肉眼、牛胸腹、牛舌大推！波士顿龙虾肉质都爽口弹牙，还可以。椒盐串烧都系自己烧，鸡皮、免治鸡肉棒最好味。炸物天妇罗类： 芝士年糕最正餐桌上设有玫瑰岩盐，食澳洲和牛及牛舌类剩沾上玫瑰岩盐已经好好味。眼阔肚窄嘅我地食左一转刺身、炸物、两转烧肉就已经饱饱!雪糕：movenpick3种口味、dreyer 抹茶及柚子味、榴连雪糕同芒果乳酸雪条。