日和号壽司料理 (已結業)

一行2人食lunch 唔知食咩，谂住日本野差极有限。门口侍应一轮咀介绍，见无人是但喇，坐低QR落单，无俾menu睇，无所谓谂住lunch 简简单单，叫左一个豚肉拉面，d豚肉厚切到成块五花腩咁，汤少到好似捞面，又唔够热。另一个叫左寿喜烧，个餐跟刺身同一碗饭。个三块刺身无评语，起码唔系即刻去厕所，个碗饭湿嘅，似少左水嘅糊仔，多左水嘅饭，到主菜寿喜烧，热嘅，有基本嘅味道，唔系点住火咁上，d肉比较难咬。2个餐跟2杯饮品，汽水杯上，热柚子唔洗加钱。侍应好勤力换豉油，个客食紧野都要帮佢换，另外几个讲野好大声，连佢要去开大开小都知，不停系餐厅来回咁行，就好似人肉回转寿司。虽然手戴手套，但又摸头又打乞嗤又打电话，卫生情况有待改善。埋单自己去收银，一见到张单有加一，忍唔住讲左句，咁都要加一？无服务都要收服务费，除咗上菜，全程自助，水又无，牙签又无，何来服务？饮食业如果继续系咁，将来都几坎坷！