Sense Cafe (已搬遷) 新店位置

今晚收工之后同Amy去揾食，鬼屎咁热，行下行下去左佐敦，个肚打晒鼓，见到有个西餐厅，叫SENSE CAFE，何谓SENSE??系感觉﹑意识﹑观念，一于少理，    凭感觉去食啦!望望餐牌，食意粉，甜品等等，先嗌左两个意粉。日式肉丸蕃茄煮扁意粉: 有4粒肉丸，一字型排开，其实唔知日式系咩，食落质感似宜X家X的肉丸，d肉搓得好实，唔易散开，肉味有d咸。扁意粉几爽口，佢唔算好淋，蕃茄汁一般唔算好浓咋~伴碟仲有蓄茄仔食TIM!黑松露大虾扇贝扁意粉: 比起蕃茄意粉，呢个意粉更加入味，黑松露汁好好味，初时食觉得佢几淡味，但之后会feel到种与别不同既咸味，好似类似盐既咸味，再加上黑松露有少少苦涩味，令个意粉好有特色。大虾都OK，有两只，大只，扇贝都有两只，肉有d un，比较难离壳，食起上黎有d狼狈，但味道OK的。甜品我叫雪糕焗脆格，Amy中意食香蕉，我地叫左香蕉加芒果酱。朱古力雪糕又滑又香浓，有浓郁既朱古力味。d脆格有d似吐司，但系更加脆！香蕉切成一片片，都几多架！芒果酱酸酸甜甜，吊起左个味，正！食饱饱我地去左庙街听人地唱歌，好听过d现今歌手好多啦！ 人地...应该系凭感觉去唱的