食得棧清湯腩王

营业中

休息中

今日两点几经过油麻地，记起好多人写食评赞佢Ｄ清汤腩好食，就入去试吓啦！睇落铺面唔够二百呎，放咗三至四张枱，都坐左八成满，另外门口仲有十张八张枱放响旁边，睇嚟夜Ｄ紧系好多人，要预咁多抬櫈，真系犀利。讲番Ｄ嘢食先，叫左个清汤腩河，Ｄ汤好好味，有大约六件牛腩，但系只有三件系坑腩，其他几件系Ｄ头头尾尾，坑腩果几件真系好淋同好有牛肉鲜味，果几件头头尾尾，就只系得过淋字，冇唛肉味，件萝白又甜又冇渣，不过依过时候萝白当造，一定好食。碗粉收二十三蚊，都算几贵！当下午茶食就够，当午歺就唔够饱。另外又试咗鱼片头，觉得麻麻地，好多味精。