松屋日本料理 (已結業)

是日爸爸生日，原来正日生日有7折，前后7天有8折...不失为一个好0既生日选择(都系听到隔离问同查身份证先知)。我订左7:30,去到之后见好多人等紧，咪行去登记柜位度讲低贵姓订左7:30几位咪行埋一边。点知等左10分钟都未见有消息，仲眼见后来0既人陆续入去，咪问下点啰！点知原来亚姐跟本冇心听到我讲野，仲冇mark我到左,以为我系第二个客要求换台的(态度甚差) 之后有人话有台可以入去,点知位置系近厨房兼走廊，我要求换台但俾拒绝，理由系未有台(当时全场仲有大把位置冇人的)，几经怒嘈之下，终于换到。评评理，点解人地迟来都比我先有台,仲有位置系场中间，而我地就要等仲要食油烟不特止...仲要明明有位扮冇位,太唔公平。虽然款式比较少，刺身size时大时细，但好彩味道不太差，不过件件串烧都好的骰。任饮维他绿茶系我最顺0既一样事，仲有自选雪糕。