阿木台灣生活百貨

营业中

休息中

疫情下好多年无得去旅行，虽然好多地方已经开关，但最想去嘅台湾仍然遥遥无期，好挂住台湾嘅夜市小食，之前已经听过「阿木」，今日经过附近终于可以买返d试下了。「阿木」主打台湾食品，除咗小吃及蛋糕外，仲有好多急冻嘅台式小食，例如蚵仔煎、黑白切等等，真系屋企都可以食到唔同嘅台湾夜市小吃。黑白切 :系香港唔系好多地方可以食到黑白切，主要系猪嘅内脏，有猪大肠、猪肺及米肠等等，蒸8-10分钟就食得，食落完全无内脏臭味，沾埋酱油膏及辣酱食，好有台湾风味。蚵仔煎 : 台式小食又点可以冇蚵仔煎？落镬煎返热就食得，非常方便，食落有Q弹嘅口感，蚵仔份量都几多，加埋酱汁非常惹味。高丽菜韭黄猪肉水饺 :水饺细细粒，啱晒一口一粒，水饺皮烟韧，猪肉馅都几多，加埋韭黄及高丽菜，食落感觉清新。店铺定期都会有团购活动，有好多款唔同嘅台式食品及蛋糕，订完一个星期后就可以取货，唔需要好似网购咁有排等。