紐約紐約餐廳

营业中

休息中

见到社交平台广告介绍嘉湖海逸酒店周末自助餐好似好多野食，上官网预购 $500蚊一位。装潢虽然古旧， 但系都坐等舒服， 唔会太逼。自助餐主打有任食生蚝，海胆同雪糕movenpick!冷盘沙津都多款式， 几吸引， 不过我挂住食生蚝就冇咁大胃食其他冷盘。生蚝系任食， 不过佢一早开晒d生蚝， 不是即开。但相对就唔驶等， 同埋系任你夹不限件数。见佢有两款生蚝，有d 味道偏腥，放多少少柠檬汁都不太差。刺身刀功有待改善， 八爪鱼切得比较厚， 三文鱼ok, 吞拿鱼偏粗糙， 海胆不错， 但每次比一片，同埋一晚应该只提供四板左右，会有攞完的时候。即煮意粉必试， 师傅即场烧热个芝士盘， 即刮芝士即捞👍🏻香浓芝士味道👍🏻👍🏻我冇咩食热食都冇咩影相， 有清蒸龙趸，虾， 羊架，牛柳粒等等。亦有烧烤类， 大火腿/牛肉切肉如下：甜品选择不少， 比较有特色系即焗梳乎厘，同热豆腐花， 仲有受欢迎的movenpick雪糕。但提拉米苏同芝士蛋糕好溜， 其他就普普通通。总括来说， 有任食生蚝的周末自助晚餐， $500元一位算抵食， 食物质素中规中矩。试吓无妨。