影片
更多
2023-09-24
16 浏览
今日同朋友偶然发现到呢间系尖沙咀新开嘅Restaurant & Bar，食物同环境气氛都好好，但唔知系因为新开，定因为佢系楼上铺唔系地舖，人流并唔多，所以好想推介俾大家。餐厅嘅设施应有尽有，飞镖机、桌球枱、Peer Pong、亦有大量嘅电视，可以睇波睇马，更加有live Band，成个环境气氛好好。 Lamb Skewers 串烧 -羊肉 （$88） & Pork Skewers 串烧 - 猪肉（$68）撸串配酒简直系绝配，同埋估唔到佢嘅串烧都几出色，调味调得好好，好惹味，有啲似大陆风味嘅串烧，但佢孜然味冇咁重，反而味道更丰富。羊肉串非常嫩非常稔；猪肉串肥瘦相间，食得好滋味。辣酱松露海鲜意大利面（$168）呢个真系要大推，冇谂过一间Bar嘅主食系咁好食，仲好食过出面好多Cafe，而且价钱唔贵。成个意粉好Creamy好挂汁，有啲似食紧卡邦尼，松露味好突出，辣酱好香好惹味，青口亦都几大只，真系令人食到津津有味。 秘制脆炸鸡翼（$88）呢个炸到热辣辣上枱，系热到咬开会被肉汁烫到嘅程度，鸡翼香脆，而且咬开几Juicy，但可能先前食完串烧太惹味，觉得呢个调味有啲不足。 Matcha Pun
餐厅嘅设施应有尽有，飞镖机、桌球枱、Peer Pong、亦有大量嘅电视，可以睇波睇马，更加有live Band，成个环境气氛好好。
Lamb Skewers 串烧 -羊肉 （$88） & Pork Skewers 串烧 - 猪肉（$68）
撸串配酒简直系绝配，同埋估唔到佢嘅串烧都几出色，调味调得好好，好惹味，有啲似大陆风味嘅串烧，但佢孜然味冇咁重，反而味道更丰富。羊肉串非常嫩非常稔；猪肉串肥瘦相间，食得好滋味。
辣酱松露海鲜意大利面（$168）
呢个真系要大推，冇谂过一间Bar嘅主食系咁好食，仲好食过出面好多Cafe，而且价钱唔贵。成个意粉好Creamy好挂汁，有啲似食紧卡邦尼，松露味好突出，辣酱好香好惹味，青口亦都几大只，真系令人食到津津有味。
秘制脆炸鸡翼（$88）
呢个炸到热辣辣上枱，系热到咬开会被肉汁烫到嘅程度，鸡翼香脆，而且咬开几Juicy，但可能先前食完串烧太惹味，觉得呢个调味有啲不足。
Matcha Punch（$128）
呢杯Cocktail系集美貌与味道于一身，好啱女仔嘅口味，绿茶与清酒融为一体，酒味唔会太浓，味道清新淡雅，好易入口。
Brandy Alexander ($108)
朋友本身好钟意啲奶类嘅酒，见到Brandy Alexander 时双眼即发亮好想试，呢杯鸡尾酒主要有 cognac, cocoa liqueur同埋牛奶，好易入口，唔会好重酒精，好似饮紧甜品咁，钟意牛奶类饮品嘅可以一试。朋友仲谂定下次再嚟嘅话想试埋另一款奶类 cocktail - All Day Long 🤭
张贴
