影片
更多
2019-03-26
54 浏览
腰果茸溶滑鸡汁 💰85 8⃣分新鲜嫩滑鸡块搭配浓郁酱汁，无论是各类独特香菜味还是腰果的味道，小编都觉得劲特别。有别于以前食过既印度菜。小编推荐大家一定搭配薄饼或者炒饭一起食，放入口那一霎那小编以为自己买左机票去左印度。咖喱牛腩 90💰 8分牛腩经过长时间焖煮，但依然保持原有的形状。牛腩口感十分柔软细嫩，吸晒酱汁既精华。佢哋既独门秘制咖喱，用左劲多种唔同香料调配。临上菜前加了些少浓郁香醇椰汁，味道实在难以忘怀，一边打食评一边用紧个兜装紧 D口水。必食推介！干果烤饼 25💰 8分食得印度菜，点少得印度烤饼？佢地烤饼种类繁多，价钱都系15-25蚊咁上下。小编在万千佳丽中就挑选左依款干果烤饼，佢软熟而又咬口，而且系“份量级”人物，足足有6块咁多。而且烤饼中混合少少椰丝，咸咸甜甜味令我今晚完全冇后悔同佢共度一宵。必食炸洋葱 40💰 7分即叫即炸既洋葱圈热辣辣，又香脆可口，我见佢地有酒吧台，我谂如果去饮酒叫依个菜式真系一流！好啱过下口瘾，边食边同朋友倾计。虾炒饭 90💰 7分佢同小编之前食既印度炒饭唔一样，出面既炒饭通常都系偏干，但佢地依款小编觉得就更贴近香港人口味。由于印度菜好多酱料腌制，所以味道
腰果茸溶滑鸡汁 💰85 8⃣分
新鲜嫩滑鸡块搭配浓郁酱汁，无论是各类独特香菜味还是腰果的味道，小编都觉得劲特别。有别于以前食过既印度菜。小编推荐大家一定搭配薄饼或者炒饭一起食，放入口那一霎那小编以为自己买左机票去左印度。
咖喱牛腩 90💰 8分
牛腩经过长时间焖煮，但依然保持原有的形状。牛腩口感十分柔软细嫩，吸晒酱汁既精华。佢哋既独门秘制咖喱，用左劲多种唔同香料调配。临上菜前加了些少浓郁香醇椰汁，味道实在难以忘怀，一边打食评一边用紧个兜装紧 D口水。必食推介！
干果烤饼 25💰 8分
食得印度菜，点少得印度烤饼？佢地烤饼种类繁多，价钱都系15-25蚊咁上下。小编在万千佳丽中就挑选左依款干果烤饼，佢软熟而又咬口，而且系“份量级”人物，足足有6块咁多。而且烤饼中混合少少椰丝，咸咸甜甜味令我今晚完全冇后悔同佢共度一宵。必食
炸洋葱 40💰 7分
即叫即炸既洋葱圈热辣辣，又香脆可口，我见佢地有酒吧台，我谂如果去饮酒叫依个菜式真系一流！好啱过下口瘾，边食边同朋友倾计。
虾炒饭 90💰 7分
佢同小编之前食既印度炒饭唔一样，出面既炒饭通常都系偏干，但佢地依款小编觉得就更贴近香港人口味。由于印度菜好多酱料腌制，所以味道都会特别浓。小编都系因为咁而好少食印度炒饭，因为味道总系有点食唔惯。依款虽然都浓味，但系由于个饭唔系好干既原因，更就变得容易入口，同埋味道都唔会因为调味太多而有果种食唔惯既感觉，反而系你一啖食完紧接住一啖既动作。
芒果酸奶 30💰 7分
依杯饮品系由芒果肉加上乳酪所混合而成既饮品，几乎每一间印度餐厅都会提供依款饮品。小编好肯定芒果份量佢哋一定落得好䔃，因为小编好似食紧成个芒果咁款。酸奶既清爽给重口味既印度菜一种解腻既感觉，无疑系喜欢小清新朋友仔既首选。
张贴
