影片
更多
2008-12-15
12 浏览
记得四年几前，太公有一个朋友，带过太公黎呢度食蕃茄面(我记得自己当日系食鱼皮饺蕃茄莈菜面)；果种浓郁的蕃茄汤味道，令人印象难忘到，我去到苏格兰都要自己整黎食 (当然整得冇佢咁好味啦)返黎之后，冇再同果位朋友联络，亦都冇再黎呢度食；直到今日放工突然心血来潮，又路过附近，就去"寻店之旅"啦。其实间舖确实系边个位我唔记得的，我只记得o系花园街的某一段的某一边(呢方面唔会错的，成世女最叻系认路同食野)，而今日所见，果某一段的某一边又只系得呢一间面档，应该系，就入左去啦。不过望望餐牌，冇蕃茄面既？！(有人眼大睇过龙望唔到蕃茄牛腩面)，只系都系同往日一样，有好多种面拣...系咪呢度好多间面都系咁架？！最后拣左鱼蛋鱼蓉面俾自己。然后等待期间，我再望望贴响墙到的"餐牌"...哗，有蕃茄牛腩面？然后仲听到后面有个疑似熟客的物体，问个阿姐：d面可唔可以加蕃茄？ 阿姐话得！....系呢间系呢间啦！我果下真系好高兴。不过，既然都叫左，虽然可以叫阿姐改单，但心谂不如试下佢原味的面，都未尝唔系好事。等等等等等.....我个鱼蛋鱼蓉面终于到啦！先饮一啖汤，嗯，有落少少味精的，但唔多；有鱼的鲜味，又有d胡椒味，都几好
返黎之后，冇再同果位朋友联络，亦都冇再黎呢度食；直到今日放工突然心血来潮，又路过附近，就去"寻店之旅"啦。
其实间舖确实系边个位我唔记得的，我只记得o系花园街的某一段的某一边(呢方面唔会错的，成世女最叻系认路同食野)，而今日所见，果某一段的某一边又只系得呢一间面档，应该系，就入左去啦。
不过望望餐牌，冇蕃茄面既？！(有人眼大睇过龙望唔到蕃茄牛腩面)，只系都系同往日一样，有好多种面拣...系咪呢度好多间面都系咁架？！最后拣左鱼蛋鱼蓉面俾自己。
然后等待期间，我再望望贴响墙到的"餐牌"...哗，有蕃茄牛腩面？然后仲听到后面有个疑似熟客的物体，问个阿姐：d面可唔可以加蕃茄？ 阿姐话得！....系呢间系呢间啦！我果下真系好高兴。不过，既然都叫左，虽然可以叫阿姐改单，但心谂不如试下佢原味的面，都未尝唔系好事。
等等等等等.....我个鱼蛋鱼蓉面终于到啦！先饮一啖汤，嗯，有落少少味精的，但唔多；有鱼的鲜味，又有d胡椒味，都几好饮，同一般粉面店的汤底好唔同；个鱼蛋就争d，虽然佢好有心机咁开埋花俾你，个鱼蛋都好弹牙，但系实在太腥！d腥味盖过左d鲜味，呢点实在唔多好...(虽然，咁咪证明左佢真系用鱼做啰...阿q d睇....)
个鱼蓉面都好好味，好爽滑，仲带有d鱼鲜味，系份量少左d...同埋, 我错左，食呢d面系唔可以落辣酱的，我食惯手势，食面食完一半之后会落辣酱 (头一半我系想试真d味；后一半系因为，我实在太钟意食辣啦)....我觉得d鱼蓉面同个汤的鲜味咁就被破坏晒；而呢度的辣酱虽然唔差，但唔系劲好到你可以牺牲碗面黎食，所以，千祈唔好落辣酱呀！我劲钟意食辣都系咁话！
总括黎讲...以呢个价钱的呢个面的质素，系可以再帮衬的，不过今次个鱼蛋的质素，令我唔可以俾个"笑"评佢，等我下次黎重温返我个蕃茄面先啦...嘿....
张贴