影片
更多
2024-08-09
948 浏览
今日同朋友谂住揾间好食嘅coffee shop食晏昼，饿咗成个晏昼经过门口见到张poster好似几吸引，所以我哋上咗去。我哋叫咗两个Weekday lunch set ，$98然后再加钱叫嘢食，分别叫咗鳗鱼饭同埋一个Pizza。落完单之后餐汤餐包好快就上咗，个餐汤应该系牛奶沟水再加啲粟米粒造成，个味道系好淡唔知点样形容，个餐包咬咗一啖已经唔想再食。个餐汤上完之后喺20秒内个鳗鱼饭+$50 主菜都上埋，个鳗鱼应该系微波炉返热，个鳗鱼食落去嘅口感系好cheap好腥，个温泉蛋个蛋黄系熟嘅，啲饭系零口感。成个过程其实已经觉得系好离谱，因为虽然我冇饮过餐汤同埋食个餐包，但系个主菜都可以唔使咁快上，如果唔系正常都冻晒。之后上𠮶个Pizza仲犀利，加$30，佢个Pizza分咗六块，每一块只系得¼旧菠萝同埋好薄嘅肠仔，个饼底都系硬嘅。我哋怀着好肚饿同埋唔想嘥嘢嘅精神食咗大部份但系一边食一边一齐讲好难食啊真系。杯咖啡都系好难饮。我哋见到张poster系讲话会附送甜品，但系我哋都不约而同讲话唔使问甜品，因为完全唔想再留喺呢间餐厅，所以好快埋单就起身走人。埋单系要三百几蚊，见到上边𠮶啲食评同埋嘢食嘅相，我都
我哋叫咗两个Weekday lunch set ，$98然后再加钱叫嘢食，分别叫咗鳗鱼饭同埋一个Pizza。
落完单之后餐汤餐包好快就上咗，个餐汤应该系牛奶沟水再加啲粟米粒造成，个味道系好淡唔知点样形容，个餐包咬咗一啖已经唔想再食。
个餐汤上完之后喺20秒内个鳗鱼饭+$50 主菜都上埋，个鳗鱼应该系微波炉返热，个鳗鱼食落去嘅口感系好cheap好腥，个温泉蛋个蛋黄系熟嘅，啲饭系零口感。成个过程其实已经觉得系好离谱，因为虽然我冇饮过餐汤同埋食个餐包，但系个主菜都可以唔使咁快上，如果唔系正常都冻晒。
之后上𠮶个Pizza仲犀利，加$30，佢个Pizza分咗六块，每一块只系得¼旧菠萝同埋好薄嘅肠仔，个饼底都系硬嘅。
我哋怀着好肚饿同埋唔想嘥嘢嘅精神食咗大部份但系一边食一边一齐讲好难食啊真系。杯咖啡都系好难饮。
我哋见到张poster系讲话会附送甜品，但系我哋都不约而同讲话唔使问甜品，因为完全唔想再留喺呢间餐厅，所以好快埋单就起身走人。
埋单系要三百几蚊，见到上边𠮶啲食评同埋嘢食嘅相，我都质疑我哋系咪食紧同一间餐厅，因为呢个质素呢个价钱真系完全唔成正比，呢个价钱绝对可以喺上环揾到更加更加更加好食嘅餐厅，希望大家订位之前可以三思一下。
张贴
