Turning Point By Coffee Art

营业中

休息中

呢间cafe喺疫情期间我嚟咗好多次，𠮶时觉得都几健康又好食，疫情后都同朋友嚟过几次，不过今次系隔咗一年先再嚟…我叫咗个有吞拿鱼同沙律嘅turning point bowl，加钱要咗个水牛城鸡翼，同一杯mocha，但真系对佢嘅味道有啲失望…首先吞拿鱼𠮶碟，吞拿鱼同沙律同牛油果都冇乜问题，但𠮶块酸种面包一咬落去有阵油益味，我本身好钟意食酸种面包嘅，谂住忍耐下阵味食咗佢啦，但第二啖后真系顶唔顺，𠮶浸油益味真系搞唔掂，另外佢有少少鸡肉嘅，可能因为呢碟嘢系冻食，所以鸡肉会有啲啫喱黐住，我都麻麻哋好似未解冻咁跟住𠮶个跟餐平$10，加咗$38要嘅水牛城鸡翼，我觉得呢个真系唔应该放落餐牌，佢除咗劲酸，系冇其他味道，辣味或其他调味都食唔到，𠮶只酸味亦都系冇任何味道层次，总之系一个酸字，因为唔想浪费，我又试过将另上俾我嘅柚子沙律汁加落鸡翼到，再试，但其实真系唔得，所以第三只真系食唔落去…至于杯mocha，餐牌写70%比利时朱古力（无糖），所以有啲期待，点知除咗好重奶味之外，得好淡好淡嘅咖啡同朱古力，早知就乖乖哋叫番americano饮因为呢个质素，我好奇地上嚟openrice睇食评，见好多人话服务唔好，咁