影片
更多
2023-03-11
550 浏览
真系不吐不快呢间嘢，礼貌值系负值😔话说头先去买嘢食，叫好咗要咩，转头返来攞时听到有妈妈拖住小孩买嘢食。妈：想要个肠粉唔该恶人：$18（妈妈听不清楚，攞咗2张$20出来比钱恶人：比$40仲乜呀？都话$18啰（好恶，似欠咗佢咁）（妈妈咁就比返一张$20）到我我：唔该我呢个攞得未？恶人：无（极晦气地说）我同那妈妈你眼望我眼，讲句，乜咁嘅态度嘅！我就出声讲。我：唔使咁嘅态度嘅！恶：咩态度呀？我几时得罪你呀！讲句无姐我：你先同呢个太太讲，佢听唔清楚你讲乜，比咗$40，你可以讲$20够啦！亦唔使咁嘅语气，跟住到我问你，你又咁晦气，唔系咁架嘛？恶：咁我讲咗$18，咁佢比$40我仲乜？我：咁人哋听唔清楚唔使咁架嘛？恶：咁又关你咩嘢事？我：我都问你一句话悔气话无恶：讲句无都唔得？我：唔系唔得，系你啲语气真系差到爆。唔系要你上宾式招呼，好亲切嘅招待，但至少要识尊重人。跟住开始当然佢觉得佢有道理开始话来话去。跟住左边阿叔同右边阿婶都话佢好似唔休做。佢地仲觉得自己态度系完全无问题，左面炒紧嘢果位仲加埋一份，右面亦讲粗口咁点x样，咁我咪话唔要啰，佢话无得退，咁好啦！我心谂无得退我照要再处理。跟住等到啦，佢叫一
呢间嘢，礼貌值系负值😔
话说头先去买嘢食，叫好咗要咩，转头返来攞时听到有妈妈拖住小孩买嘢食。
妈：想要个肠粉唔该
恶人：$18
（妈妈听不清楚，攞咗2张$20出来比钱
恶人：比$40仲乜呀？都话$18啰（好恶，似欠咗佢咁）
（妈妈咁就比返一张$20）
到我
我：唔该我呢个攞得未？
恶人：无（极晦气地说）
我同那妈妈你眼望我眼，讲句，乜咁嘅态度嘅！
我就出声讲。
我：唔使咁嘅态度嘅！
恶：咩态度呀？我几时得罪你呀！讲句无姐
我：你先同呢个太太讲，佢听唔清楚你讲乜，比咗$40，你可以讲$20够啦！亦唔使咁嘅语气，跟住到我问你，你又咁晦气，唔系咁架嘛？
恶：咁我讲咗$18，咁佢比$40我仲乜？
我：咁人哋听唔清楚唔使咁架嘛？
恶：咁又关你咩嘢事？
我：我都问你一句话悔气话无
恶：讲句无都唔得？
我：唔系唔得，系你啲语气真系差到爆。唔系要你上宾式招呼，好亲切嘅招待，但至少要识尊重人。
跟住开始当然佢觉得佢有道理开始话来话去。跟住左边阿叔同右边阿婶都话佢好似唔休做。
佢地仲觉得自己态度系完全无问题，左面炒紧嘢果位仲加埋一份，右面亦讲粗口咁点x样，咁我咪话唔要啰，佢话无得退，咁好啦！我心谂无得退我照要再处理。
跟住等到啦，佢叫一句79号，因为我系97当然唔应佢，佢对住我讲，系你呀！系咪唔要，我收返，咁巴闭话退钱。我话我唔系79咁点要？佢话你系唔要就收返啰！咁叻话退钱，我无得退架播。我讲多次我唔系79。佢先装一装张单，系97呀！😣
张贴