影片
更多
2013-01-05
179 浏览
好长时间冇打食评喇，因为忙到......讲番正题，今次黎到朋友介绍多时0既牛角，果然系唔错，除左因为有COMPASS VISA优惠外，当然系因为食物确系食得过啦~我地叫左个4人餐，本来正价要过千，而家未加一前只系6百几，系咪吸引呢(讲明先，加一系要以正价去计架)我应该要番张LIST，而家唔记得哂D野食叫咩名，总之，而家一次过哂俾你地睇睇，灯灯灯凳~~~最先食呢个清清地，开开个胃，4个人分OK够。呢个椰菜沙律当然亦要快D食，生冷野越摆得耐越易变坏丫嘛~好爽口，清新呀~呢个温泉蛋饭有两个，两人一个，4人总有两个钟意搅搅震0既咁搅完过过瘾就食得，一定要趁热食，尤其咁冻天气，见到嘛?个温泉蛋好晶莹。呢个豆腐，我冇食，因为我唔食得辣，不过几个朋友都话OK，你信唔信佢地丫呢个海鲜薄饼热度刚好，软绵绵0既质感，食入去好似条脷冚左张棉被，绵绵呀牛乳汤唔好一上台就饮，烫亲嘴仔就唔好啦，烫伤味蕾就更加唔抵喇要等一等，当见到汤0既卜卜卜滚住0既泡泡冇咁活跃时就饮啦，可以唔驶吹一饮到落肚，爽~拿拿拿，唔好问我呢d系咩，因为我地有咩黎就食咩，应该红d0既就系牛，白d0既就系豚，黄d0既就系鸡，仲问系边个部位?噢
讲番正题，今次黎到朋友介绍多时0既牛角，果然系唔错，除左因为有COMPASS VISA优惠外，当然系因为食物确系食得过啦~
我地叫左个4人餐，本来正价要过千，而家未加一前只系6百几，系咪吸引呢(讲明先，加一系要以正价去计架)
我应该要番张LIST，而家唔记得哂D野食叫咩名，总之，而家一次过哂俾你地睇睇，灯灯灯凳~~~
最先食呢个清清地，开开个胃，4个人分OK够。
呢个椰菜沙律当然亦要快D食，生冷野越摆得耐越易变坏丫嘛~好爽口，清新呀~
呢个温泉蛋饭有两个，两人一个，4人总有两个钟意搅搅震0既咁搅完过过瘾就食得，一定要趁热食，尤其咁冻天气，见到嘛?个温泉蛋好晶莹。
呢个豆腐，我冇食，因为我唔食得辣，不过几个朋友都话OK，你信唔信佢地丫
呢个海鲜薄饼热度刚好，软绵绵0既质感，食入去好似条脷冚左张棉被，绵绵呀
牛乳汤唔好一上台就饮，烫亲嘴仔就唔好啦，烫伤味蕾就更加唔抵喇要等一等，当见到汤0既卜卜卜滚住0既泡泡冇咁活跃时就饮啦，可以唔驶吹一饮到落肚，爽~
拿拿拿，唔好问我呢d系咩，因为我地有咩黎就食咩，应该红d0既就系牛，白d0既就系豚，黄d0既就系鸡，仲问系边个部位?噢~我真系忘记鸟总之，我自己黎讲，每一种烧0既肉都已有调味，大都可以唔驶点任何酱油都已经够味了，只系有时唔够火，咬唔开，呵呵~有时又烧得过火，焦黑左d会苦啰>_<
呢个海鲜杂会好考烧功，青口&生蚝都被我地生手0既烧功搞到dry哂，浪费了>_<洋葱记紧烧长时间一d，太生拿起食，辣到你「标」眼水呀
野菜份量多d会好d，要吸收多d纤维先可以帮助消化丫
我地怀疑鲷鱼烧饼同铜锣烧之前都摆错0系冰格，烧左好耐都系未热，店员最初仲话只要每边烧十几廿秒就ok，根本系唔够呢~我喜欢吉士馅的鲷鱼烧饼，烧完融化0既吉士好好味。
呢个雪糕一个字，冻………anyway，甜度系适中的，夏天食会更好。我唔记得影野饮，不过都唔好放咁大期望啦，好似我0既柚子蜜，you know，就系0个d一樽现成的柚子蜜入面整一pat加水俾你搅咁样样……
大致都差不多，虽然话限时两个钟，不过从来冇催促过我地交台，就算出面有人排哂队等位，食得好尽兴啊!!!
题外话/补充资料：
有个手机胶套保护你0既宝贵手机，好贴心喔
(以上食记乃用户个人意见 , 并不代表OpenRice之观点。)
张贴
