釜之魂釜飯專門店 (淘大商場) (已結業)

成日食加滕屋食到厌？釜之魂会系一个好选择！同frd 喺淘大行行下见到间几抵食嘅黄店，就入左去食左个下午茶。😆 一入到就见到餐厅环境舒适，装修精美。仲有pepe the frog 同连猪打卡!💛嗌完嘢食，就会有待应送上小食同汤。之后都要等几耐先有嘢食到，中间有追过单， 原来啲主菜都系即叫即整，出到黎啲𩠌热辣辣，仲出紧烟，等咁耐都值得。我地每人嗌左个lunch set，哩个系日式咖喱吉列猪排釡，两大块猪排超松脆🤩，同时亦唔会炸得太老。咖喱味好香，见到佢咁金黄都知佢好食啦!😋之后系芝士汁鸡排釡，芝士味唔重，钟意食芝士嘅你可能会失望。但芝士汁唔腻，啲鸡仲好嫩滑!🐥最后到招牌菜 -- 「金魂」🐟🐟。虽然无原条鳗鱼，但都叫好肥美! 😍条鳗鱼超香，配埋佢地嘅照烧汁，简单系绝配! 但条鱼有少量鱼骨。食嘅时候要小心啲。啲食物份量十足，五十几蚊可以食到饱哂，又有汤、小食、嘢饮，真系好抵食!