如意冰室私房菜 (已結業)

去到边都梗系第一时间揾黄店食啦！今次就去左湾仔食如意冰室，一去到就见到连侬墙，环境好正！一入到去就听到佢播肥妈有话儿，好好笑！间店有两层，上层就比较靓啲，但因为𠮶日有人倾紧嘢，所以只好坐楼下。价钱方面，湾仔区黎讲唔算贵。我地每人嗌左一个碟头饭，啲𩠌黎得有啲慢，都无乜客，但都等左颇耐。椒盐猪扒饭啲猪排非常有锅气！炒得好香，调味十足，有少少辣，啱啱好！猪排亦都好冧，系非常好食嘅一碟菜！咖哩牛腩饭啲咖哩唔辣，有少少椰香味。薯仔食得出系有炸过嘅，但啲牛腩就太韧，有啲都食唔到。整体黎讲麻麻。整体黎讲，不过不失，可能有更多好食嘅𩠌，我地未能够逐一品尝。可能大家都可以一试。