周明園潮州粉麵餐廳

营业中

休息中

净鱼蛋云吞走葱，鱼蛋质数稳定，香浓鲜弹，比佢地既牛什牛腩更好味。云吞够大路，虾鲜爽、猪肉香甜、皮薄滑溜，好食。净鱼蛋墨丸走葱，将周明园两样最好食既并埋一齐，非常美味 ﹗墨鱼丸味道香浓，结实又弹牙。鱼蛋唔洗讲当然好味啦，弹弹的，鱼味又香浓，正 ﹗净水饺云吞走葱，都话走葱咯，强调左几次都系落左，阿姐您有无心听我 order 架？返到屋企浸到出晒味，成碗汤同水饺云吞都系葱味，顶 ﹗又要劲落辣椒油遮左去。水饺包得结实又饱满，馅料香口入味，好好食。云吞都唔差，虾仁爽口、猪肉香浓，Good ﹗净牛腩跟清汤走葱，排得好靓㖞，颜色、卖相同香味都非常吸引。试旧先，味道不过不失，合格既。口感够腍又入味，都算满意。专登要求跟碗清汤走葱，收我 HKD1 都好合理，只系比发泡胶碗钱啫，一向外卖都要加 HKD1 架啦，无问题。见阿姐又想落葱，都话左走葱又写左单，系要我大声喝住唔要葱呀 ﹗成日都懵吓懵吓咁呀，激鬼死。