必勝客至Hot外送速遞 (非門市)

营业中

休息中

今日中午起身好累唔想煮饭又唔想落街食，一于叫外卖返屋企食，刚刚见台面有张外卖薄饼宣传单张，想吓好耐冇食过，就叫d返来食吓先叫左两个唔同味道既普通批、一个饭、一个意粉餐和鸡翼。超级夏威夷松厚批（普通批）有辣肉肠、火腿、牛肉粒、菠萝和香浓茄酱，咬入囗批底好松软，好香茄酱味，辣肉肠味道咸咸辣辣好惹味。意式风情薄脆批（普通批）有猪肉粒、鸡肉粒、火腿、蘑菇、菠萝和千岛酱，薄脆批入囗既感觉又唔同，咬落好脆冇厚批噤有饱肚感，可食多几件，配料加埋个千岛酱个味道配合得恰到好处。葡汁鸡皇焗饭，葡汁几好味，唔系好膻，鸡件几滑。香蒜肉丝意粉，闻有蒜香味，但食落好干，冇乜酱汁，味道好淡，而且意粉好硬，呢个真系唔得。迷你肠拼薯格，系跟个香蒜肉丝意粉既个人餐，迷你肠外皮几脆，味道几好，薯格味道几好，不过就腍左d唔脆。原味鸡翼（4只），入囗味道几好，鸡肉几嫩滑。呢餐需然唔算平，食物又唔系样样好食，不过不失。