波仔

营业中

休息中

暑假期间，逢星期三去波仔买波仔产品有九折，呢期夜晚要睇奥运，唔想煮饭或落街买嘢食，买返几盒放系屋企，随时都可以食到，真系非常方便。前排买咗两款小食，一款甜品及两款主食返屋企。⁠花生酱西多士:讲到童年回忆，又点少得西多士呀？ 花生酱西多士好多茶餐厅都有，但夜妈妈想食，又点会整？ 波仔新出嘅「花生酱西多士」用气炸锅炸完新鲜出炉时食，入口脆卜卜，中间仲有浓郁嘅花生酱，虽然好邪恶，但真系好好味，配合埋附送嘅糖浆，甜到入心，真系令人一啖一啖咁食到停唔到口。 ⁠水晶虾饺：虾饺一包有六粒，皮薄馅靓，晶莹剔透，咬落去仲有啲汁，虾肉弹牙爽口仲好鲜甜！藜麦鸡肉花椰菜饭：近年兴起花椰菜饭，不过功夫多，懒得整，反正波仔有出，买定一两盒放冰格，想食时叮黎食好过。加入左藜麦嘅花椰菜饭令到整体口感提升，配合埋鸡肉、洋葱、红萝卜同毛豆仁，非常丰富。黑松露蘑菇意粉：黑松露蘑菇意粉真系不得了！ 黑松露嘅香味劲浓郁，每一啖都食到粒粒蘑菇，口感爽脆，意粉叮过后啱啱好，弹牙又入味！黑松露酱汁捞匀晒啲意粉，真系好邪恶呀！芝麻糊：芝麻糊芝麻味好浓郁，食落去好滑，通食又得，热食又得，买返碗放喺屋企，随时随地都食到，真系方便。