茶木‧台式休閒餐廳 (荃新天地)

营业中

休息中

因为最近太兴上咗市，同一路做紧优惠券推广，先至知道茶木都系太兴集团，所以水准都同太兴一样咁稳定，而茶木嘅台式料理变化多好多。先来一个懒人系列，虽然我唔系好明点解叫做懒人系列，微辣手工拌面，讲得出微辣真系BB辣水平，辣味提升面嘅口感及味道，麻辣半根半牛肉似五香牛筋，可能真系煮左12个钟，好淋好入味。云顶咖啡的咖啡底有层次，再加上奶盖，苦中带甘。草莓樱姬即系草莓沙冰，卖相好有少女风，草莓口味浓厚，亦唔会太甜。凤梨豆乳酱烧骨，炸凤梨几特别，烧排骨十分出色，排骨好淋有咬口，口感一流。抹茶红豆奶盖岩浆蛋糕卖相出色吸引，中间倒插朱古力雪糕需要食先，之后立即见到抺茶岩浆，好在抺茶唔算苦，似绿茶多一些，配合蛋糕一起中和最好。荃湾分店需然在地下，但最入的位置系向住商场中间，十分开杨，坐在玻璃窗边食野零舍写意。