潮鮮薈自助燒烤專門店 (已結業)

一去到见到任食串烧区，款式眼花缭乱，拣左几款就开始烧，台上有烧烤指南教客人点烧先系最惹味香脆。烧左十分钟，我地就茶左餐厅提供既蜜糖烧肉汁同秘制沙爹酱落鸡翼、鸡肾、烟鸭胸试。烧烤枱既旋转台令到食物唔只得一边烧到，仲可放18款不同既食物落旋转台，烧左大约14分钟，阵阵香味传出， 鸡翼肉质嫰滑，咬落仲会爆汁添。试埋送既龙虾，同蒜蓉酱好夹，龙虾膏满溢，色泽鲜艳，好惹味。饮品区方面有大约10款不同既饮品比客人选择，服务方面，侍应会好细心咁教客人烧出最好食既海鲜，整体性价比都几高，强烈建议4人同行食，因为会送贵妃蚌、鲍鱼、牛肉粒、蚝、 大帆立贝、马友鱼等等，劲吸引。