古月

营业中

休息中

每次行过北角都想试下呢间主打新加坡菜嘅小店，今日终于有机会同男友嚟试下。餐厅嘅装修好趣致，墙身画左好多得意嘅公仔，好有特色。餐厅食物款式唔算多，我地今次主要都喺嚟试下招牌嘅滑鸡饭同肉骨茶。古滑鸡饭 $60鸡件滑嫩而且仲喺无骨啖啖肉，岩哂我呢啲懒惰鬼，加上伴鸡嘅酱汁味道浓郁，用嚟送饭食一流。而呢碟饭最古惑嘅地方，在于鸡件入面原来收埋左几件卤水鸭舌，鸭舌腌得入味之余肉质亦都软腍易咬，很好吃，而另外一旁的并不是普通白饭，而是带有淡淡蒜香的有味饭，令人更易入口。古月招牌肉骨茶 $80今次呢款肉骨茶胡椒味好浓郁，饮落舌头仲有阵阵椒麻的感觉，同大众食开带药膳味嘅肉骨茶有好大分别，冬天饮完成个人应该会暖笠笠。蒜头炆到好软腍，本身浓烈嘅辛辣味都融合于汤中，同我地平时食开嘅蒜头口感好唔同。另外食得出连住骨嘅猪肉几新鲜，肉质弹牙好易咬开。亚罗街沙嗲串(鸡) $35/3串鸡肉串烧烧得比较干身，肉质硬身同鞋口，加上份量少而且价钱贵，所以唔太推荐。