角落吾茶 (已結業)

新屎坑总有三日香，屋企附近开咗一间非常有文青feel嘅仿台式奶茶舖，见个interior design几特别，即管试吓系咪内容同阵容都咁好。舖头主打香水柠檬，除咗有啲好普通嘅珍珠奶茶选择之外，居然有咖啡，仲系招牌香水柠檬咖啡。我就试吓呢味招牌货。一饮之下，除了劲难饮，还是劲难饮。呢种柠檬嘅香味同咖啡一啲都唔夹，掩盖左咖啡嘅味道之余，又嘥咗本身柠檬嘅香味，搞到成杯野又酸又涩仲有渣。咁我都俾机会佢哋，问吓有关其他饮品嘅资讯，点知佢哋除咗香水柠檬之外，关于其他饮品一无所知。唔知都算，佢哋居然冇兴趣知。我心想，我身为客户，佢哋又假假地都新开张，稍为竖起只耳仔当收吓客户啲料到好吖，点知佢哋一啲兴趣都冇。我嘅感觉系佢哋净系对自己识嘅嘢有兴趣，谰系有诚意咁分享俾啲客知，但系就完全冇心听取客户嘅意见。佢哋嘅服务态度同个logo一样，成把头发浸落杯嘢饮度，呕心！