影片
更多
2018-06-10
1684 浏览
无事不入将军澳，之前都喺因为行山先入到嚟，今次就梗唔喺行山啦，大佬，成35°C㖞，虽然小弟身体状况都唔差，但都怕怕哋会中暑。今次就因事入到嚟坑口嘅香港单车公园，趁空就顺道到访「牧羊少年咖啡馆」食番个下午茶。由坑口地铁站过嚟颇为方便，行10分钟左右就到。而餐厅环境非常之大，而且，楼底十分高，空间感十足。再者，枱椅排列唔挤迫，加上对出一列落地玻璃窗，好似今日晏昼咁，阳光普照，令人感觉更有活力、醒神。餐厅采半自助形式，自己揾位，晌柜枱落咗单，再由店员将食物送上。而基本餐具早已放晒晌枱上，其他嘢如调味料、额外嘅餐具、牙签……等等均晌出面自助区都会揾到。食物选择方面，点餐柜枱旁标示晒出嚟。唔想「戆居居」企晌度睇，拎本餐牌埋位慢慢研究都得。种类大致可以分为二人、四人套餐、午餐、下午茶餐、薄饼、单点小食、甜品、饮品。京都春日 $75红红绿绿，窝夫烘得靓仔，所以，卖相几讨人欢心。窝夫入口非常香脆，里面好绵密，但蛋香味唔算浓，而士多啤梨有点酸，反而士多啤梨果酱则颇甜，夹埋啲忌廉食都好唔错。而两球绿茶雪糕好大个，算几够茶味，带点点甘苦。焦糖朱古力芝士饼 $35件芝士饼嘅云石纹做得几靓，咪睇佢个样好似好干咁
由坑口地铁站过嚟颇为方便，行10分钟左右就到。而餐厅环境非常之大，而且，楼底十分高，空间感十足。再者，枱椅排列唔挤迫，加上对出一列落地玻璃窗，好似今日晏昼咁，阳光普照，令人感觉更有活力、醒神。
餐厅采半自助形式，自己揾位，晌柜枱落咗单，再由店员将食物送上。而基本餐具早已放晒晌枱上，其他嘢如调味料、额外嘅餐具、牙签……等等均晌出面自助区都会揾到。
食物选择方面，点餐柜枱旁标示晒出嚟。
唔想「戆居居」企晌度睇，拎本餐牌埋位慢慢研究都得。种类大致可以分为二人、四人套餐、午餐、下午茶餐、薄饼、单点小食、甜品、饮品。
京都春日 $75红红绿绿，窝夫烘得靓仔，所以，卖相几讨人欢心。窝夫入口非常香脆，里面好绵密，但蛋香味唔算浓，而士多啤梨有点酸，反而士多啤梨果酱则颇甜，夹埋啲忌廉食都好唔错。而两球绿茶雪糕好大个，算几够茶味，带点点甘苦。
京都春日
$75
15 浏览
0 赞好
0 留言
件芝士饼嘅云石纹做得几靓，咪睇佢个样好似好干咁，查实就唔喺，晌储存方面做得几好，出面有啲餐厅会雪到件饼干晒架。最上层嘅芝士打得几柔软，芝士味也不俗；中层嘅朱古力芝士就有啲顾此失彼，因为朱古力味唔够突出；下层嘅消化饼底小弟就觉得厚咗啲啲。讲咁耐，无提及焦糖，其实表面嘅云石纹索性用焦糖浆去做，突出个主题就仲好，所以，整体件饼嘅质素喺唔失礼，但觉得可以做得更好。
黑糖卡布奇诺 $32面层无一层厚厚奶泡，反而拉花拉咗只天鹅，而且，入口似鲜奶咖啡多过似卡布奇诺，不过，杯「鲜奶咖啡」本身确喺几好饮，醇香，撞奶泡均匀，口感顺滑。之但喺，既然拉花只天鹅咁靓，再洒啲黑糖粉就整花晒个拉花，感觉有啲可惜啫。
荔枝蜜瓜鲜打绿茶 $42绿茶底打得够清香㖞，绿茶内有少少纤维，相信喺嚟自啲荔枝蜜瓜肉，不过，除茶味，荔枝嘅味道就突出啲，蜜瓜嘅味道就唔喺好觉。晌炎夏，呢杯绿茶就好透心凉，唔会太冰，饮落感觉好舒服。
荔枝蜜瓜鲜打绿茶
$42
12 浏览
0 赞好
0 留言
枱上仲放咗个储印花换美食嘅推广牌，消费$60就有一个印花，储齐7个就免费换到一客指定小食或甜品，虽然无睇过啲条款，但相信间间「牧羊少年」都用得，对比起啲现金券，嚟得更有实用性。
外面虽然好热，热到爆炸，但坐晌里面，环境「凉枕枕」，不知几爽。食啲甜点，饮杯热啡，悠闲咁渡过一个懒洋洋嘅炎夏下午。
张贴
