古早牛肉麵 (已結業)

今晚去咗深水埗食一间叫古早牛肉面嘅台式餐厅。黎到铺头前，有两张大menu，不过冇咩睇就入去坐低再睇。入到去见到好多好有特色嘅挂画，全部都好有教育性质，画风好Old school好怀旧，好得意。餐厅啲枱好大，好阔落，几好坐，唔会好逼。叫野食方面都系好似一般台式餐厅咁写落张胶menu度。一面系食物，一面系饮品，简单易睇。我就叫咗盐酥大鸡扒，牛肉香葱手抓卷饼同轻芝士岩盐奶盖乌龙茶。另外佢哋好似啲饺子店咁样，有啲辣菜圃比客人食，我试过都几辣，如果食汤面加啲落去都几惹味，不过我食饭。嘢食好快嚟到，首先试吓杯嘢饮，因为系轻芝士，所以唔会好似其他台式饮品店咁浓，芝士清味淡淡地又有少少咸，几好饮，因为嗌咗少甜，所以茶味好突出。跟住到盐酥鸡扒饭，除咗鸡扒仲有少少配菜，好似卤蛋，肉燥，同埋腌萝卜。佢哋啲味道唔似其他台式舖头咁重口味，偏向淡一啲，肉燥都系，食到尾先见到啲汁喺晒个饭底到，如果一开始知道嘅话就会捞匀佢黎食，特别一提嘅就系佢啲饭好有咬口，粒粒分明咁，我好中意。我见到头顶有块写住三好米嘅招牌，唔知系咪三好米呢。手抓饼方面，有一块牛展卷住啲椰菜，几清新，虽然唔太食得出有香葱，但系入面个酱汁有少少辣，又