Mango Mania

营业中

休息中

记得以前北角返学嘅时候，成日都喺和富中心附近觅食，当时商场里面系一间大型超级市场，系近呢几年先至改建成，有商舖有食店嘅商场。超级芒果狂热作为芒果嘅狂热粉丝，见到呢一个叫做芒果狂热嘅甜品就梗系要叫返个啦，所谓嘅芒果狂热其实包含咗多款芒果制品，主角芒果非常厚身咬落非常多汁，果肉香甜可口又甜而不腻，而除咗芒果以外嘅食物亦都冇失礼，芒果布丁幼嫩滑溜，小朋友2分钟就消灭左。芒果冰砖最近天气又热左唔少，两个小朋友扭计话要食冰，见天气都唔系太冻就就下佢哋，结果一嚟到真系俾眼前嘅冰砖震撼咗眼球，大大盘嘅冰砖非常壮观，上面有一大球圆辘辘嘅雪糕，旁边铺满大大块芒果，中间就系冰，食落去解渴得黎，甜度自然，唔好话两个小朋友，我同老公自己都好钟意，虽然系佢哋叫嘅，结果我哋食得仲多过佢哋。