森堡美食

营业中

休息中

呢间野系我读中学果阵已经成日同d 同学去食架喇，由佢2x 蚊食到3x 蚊，不过都系好食同抵食既！  我地次次都系食焗野，因为真系好食。佢有得拣唔同既食材同汁既，仲有得拣食饭、食面、乌冬、通粉等等……今次都系同中学同学去食既。我叫左个炸鱼柳磨菇茄汁焗饭，个朋友就叫左薰蹄磨菇蒜蓉汁焗意粉。炸鱼柳磨菇茄汁焗饭好食呀，个炸鱼柳放系上边，唔会俾D 汁整到淋晒，佢仲有好多茄汁，最中意汁捞饭既我就啱晒喇！ 佢份量都几多，有五至六块鱼柳同埋有好多磨菇。 如果中意芝士既人可以加D 芝士粉上去，好香架！朋友话个薰蹄磨菇蒜蓉汁焗意粉都OK，但我见佢D 意粉好似好粗咁，唔知会唔会好淋，所以我通常都系叫饭。另外我见佢D 薰蹄既份量都好多呀 ，而朋友就话个蒜蓉汁会食到佢口臭。 (其实佢有好多其他汁可以拣既，大家可以拣其他既！)天水围已经得返好少唔系集团经营既餐厅，所以我好珍惜呢D 小店架，支持小店！