茶房別天神

营业中

休息中

肺炎肆虐，本来四月嘅大阪行程被迫取消😭,好怀念地道拉面嘅味道，同老公去太古Aeon百货超市买完野，去二楼间茶房别天神食下拉面先😉，佢地系用博多拉面，面线较幼身，主打两款豚骨汤底嘅拉面。我同老公每人叫咗一份拉面+小食套餐。小龙虾蟹籽沙律，小龙虾肉配蟹籽同薯蓉，龙虾肉算多，用紫菜包住沙律食，口感爽脆得意🤩饺子系猪肉饺子，两边煎煎香，肉质juicy😋虾味噌豚骨汤面，豚骨汤浓稠适中，冇味精，用猪骨熬煮，好香嘅猪骨味😀,红樱花虾提升咗汤底嘅鲜味，仲配搭葱花同粟米粒同香脆紫菜，卖相吸晴🤩，拉面挂汤力十足，叉烧厚切，虽然瘦瘦地，不过肉质唔韧，又腍😋，流心蛋嫩滑，蛋黄流心蛋味浓香😋豚骨汤面就有木耳丝，简简单单,配搭葱花、紫菜同叉烧，一样咁好食😋枱面上放有芝蔴、拉面汁、拉面胡椒、七味粉、蒜蓉同红姜丝嘅调味架，仲有辣芽菜，食客可以随意加落拉面，调较自己口味👍🏻，我觉得辣芽菜最好食，辣度适中又爽口😋佢地仲有唔同款式嘅班㦸㗎，下次唔食套餐，同老公食下班㦸先😉埋单店员仲送咗两包盐水纸巾俾地，以备不时之需，好窝心呀🥰