影片
更多
2021-12-28
1751 浏览
香港愈来愈多sukiyaki（寿喜烧）店，城中最出名要数中环「すき焼森」。虽然中环有三间分店，但订位系超级难。佢每月1号开放预订下个月booking，1号开店后开始打电话，打咗过百次都打唔通，就算打通都冇人听。过多两日再打去，系有人听，但会同你讲下月已full booking，幸运的仲可能有少量平日午市空位，非常夸张。咁仲有咩方法订到呢？就系1号walk in去铺头订，系傻嘅，但好多人都咁做，条队仲唔短添，所以想确保订到，最好喺开店前到。正式用餐当日，其实唔满座，师傅煮嘢时候同佢倾偈，先知每间店大约得3位师傅，每人最多只serve到两三枱客（可以专注一点），所以先至唔会安排坐满，亦解释到点解咁难book。入正题，呢度晚市只提供sukiyaki、shabu shabu同omakase，以sukiyaki最受欢迎。晚市$680一位，午市$580一位，分别在于晚市会多一款肉，咁当然畀多$100试多款。餐厅供应嘅系著名日本近江牛，不吃牛肉，都可以㨂猪肉。想再饱足啲，可以追加牛舌（$100）。先上开胃前菜（按时节更换），师傅有简单介绍，系我唔记得个名，当中最好食系炸日本芋头，软糯得嚟充满芋头香。
虽然中环有三间分店，但订位系超级难。佢每月1号开放预订下个月booking，1号开店后开始打电话，打咗过百次都打唔通，就算打通都冇人听。过多两日再打去，系有人听，但会同你讲下月已full booking，幸运的仲可能有少量平日午市空位，非常夸张。咁仲有咩方法订到呢？就系1号walk in去铺头订，系傻嘅，但好多人都咁做，条队仲唔短添，所以想确保订到，最好喺开店前到。
正式用餐当日，其实唔满座，师傅煮嘢时候同佢倾偈，先知每间店大约得3位师傅，每人最多只serve到两三枱客（可以专注一点），所以先至唔会安排坐满，亦解释到点解咁难book。
入正题，呢度晚市只提供sukiyaki、shabu shabu同omakase，以sukiyaki最受欢迎。晚市$680一位，午市$580一位，分别在于晚市会多一款肉，咁当然畀多$100试多款。餐厅供应嘅系著名日本近江牛，不吃牛肉，都可以㨂猪肉。想再饱足啲，可以追加牛舌（$100）。
先上开胃前菜（按时节更换），师傅有简单介绍，系我唔记得个名，当中最好食系炸日本芋头，软糯得嚟充满芋头香。
后上蟹肉蒸蛋，蒸蛋系超级滑，蟹肉加海藻同姜蓉口感同味道都丰富，只系咸左啲。
主角上场，包括一篮蔬菜同牛肉，食嘅次序系一块肉，一碟菜，全程由师傅席前主理，可以睇住师傅点煮，有问题又可以问佢。呢度系用关西风煮法，同关东风相比，汁比较少，牛肉亦以煎为主。首先师傅会喺镬落一层糖，然后铺上牛肉快煎几秒，然后落少少酱汁半煎煮，几秒后翻转就可以上枱。
牛肉由淡至浓味食，先食肉眼，再来西冷，之后系两款牛肩肉，最后系牛舌。肉眼最腍最有油脂香，但我比较钟意西冷同牛肩肉，肉味好香浓，虽然师傅形容肉质比较实，但入口都好软绵，唔需要点蛋浆都已经好滑。牛舌好薄，但仍然食到爽脆口感。
蔬菜当中以洋葱最好食，日本洋葱一点辛辣感都冇，而且甜度好高。将牛肉蔬菜伴附上的小碗白饭一齐食真系好开胃，白饭可以任食，但唔建议食太多，之后仲有滑蛋牛肉饭的。
食完之后，师傅将碎牛肉落镬炒，再倒入蛋浆快煮，将之盖喺饭上，就成滑蛋牛肉饭，蛋系嫩滑，牛肉味唔出，对比之前几块，呢碗饭就比较普通。
最后上甜品，今次系士多啤梨奶冻同朱古力慕丝，两者都有质素，食埋已经有十分饱。
讲咁耐，呢度值得咁千辛万苦订位吗？同日本比，呢间完全唔逊色，如果你系sukiyaki粉，或者好挂住日本，呢度系值得来。日籍师傅系长驻卑利街店，但无论日籍还是香港师傅主理，水准应该一样（师傅话佢哋要考试的），所以你幸运地联络到其中一间就唔好犹豫了。
张贴
