真鮨 (已結業)

今日开始有d转凉，另外谂起喺日本嘅日子，所以专登去尖沙咀揾一间出色嘅居酒屋食晚饭。呢间餐厅叫Moshi Moshi, 一入去就好有日本嘅感觉，位唔算多如果要去真系要提早预订。 一入去见到有新鲜日本真蚝，即刻叫咗两只来试一试。真好又大只又重蚝味呢个价钱真系超值。餐厅之后推荐左一条原条金池鱼刺身，佢真系将成条新鲜金池鱼片成刺身薄片，睇得出好考功夫。寿司当然唔少得，分别叫咗帆立贝， 活赤贝同埋火炙三文鱼腩同火炙左口鱼边寿司，帆立贝同活赤贝十分新鲜，鲜甜兼大件。三文鱼腩同左口鱼边油份充足，火炙之后油香出晒来，好想食多几件。再来就系我最爱既鹅肝多士。鹅肝外脆内软，入口即溶，而且有独有嘅鹅肝香味真系好正，配上香脆嘅多士真系绝配。串烧我哋就叫咗豚肉芦笋串，烧牛舌串，盐烧鸡翼串同埋烧明太子啡菇。每种串烧都真系即烧，热辣辣。而且都唔会烧得太过龙。我最爱就系烧明太子啡菇，咸香既明太子配上juicy既大啡菇，呢种味觉冲击真系好值得去一试。呢间餐厅真系令我好似身处日本咁，希望可以快啲开关恢复返正常生活。