時新漢堡飽 (已結業)

带细路仔去黄埔花园嘅playhouse玩，咁一个人就出去行下食下野。经过见到时新汉堡包就谂起当年（十几年前）,读理工大学朋友嘅高度推介。日期系星期六时间为四点左右，佢有下午茶餐，咁我都系叫返以前最大𠮶份双层芝士蛋汉堡，连薯条加饮品大约六十几蚊。新舖头比以前阔落好多，亦都好干净。先喺收银机落单攞张飞，然后就等叫number，职员都好友善。大约等咗五分钟已经拎得。个味道就基本上同以前一样，首先个包好新鲜，食落个味系唔错。我觉得可以改善就系块肉如果可以扎实少少就好好多，另外如果煎蛋系半熟嘅话我会觉得系完美。坦白讲如果你就咁拎个汉堡包出去面比，佢未必会赢，但系我觉得系食紧一种香港嘅情怀。