影片
更多
2020-05-18
557 浏览
今晚去左油麻地沙拉姆咖哩屋食印度菜，喜欢吃辣，以前成日周围去揾辣野食，后来已淡忘了，今日重新搜寻印度菜馆，眼濶肚窄下打包了几盒取走。今晚点了一个脆饼，一个炸芝士，一个咖哩鸡(中辣)，一个玛莎拉羊肉(大辣)，一个香料菜花烩薯块，一个印式蔬菜炒饭，一杯印式辣饮，一杯冻玛莎拉奶茶。跪饼卷成卷状，有D芝麻，有D牛油香，有少少咸味，配上一个绿色既薄荷酱。其实后来既咖哩有薄饼送，呢个可以唔叫都得。炸芝士味道比想像中淡，似食紧炸豆腐，外跪内软。菜花烩薯仔，菜花唔会太干，软身得来又吸到D汁，薯仔稍稔，略带粉，系我喜欢既质感。咖哩鸡唔辣，鸡肉偏稔，有少少似煲完汤既肉，但个汁够香，似乎佢地对肉质既要求唔似我地。玛莎拉羊肉，个肉汁杰好多，有D蕃茄同洋葱，可能因为咁，个汁又变得无咁辣，可能香料太劲，羊肉显得唔够膻。个炒饭有D菜花，青椒，红萝卜，茄子，加左D黄姜去炒，食落比D咖哩仲辣。杯印式辣饮咸咸辣辣，有D似咸柠七加左孜然粉，上网睇番既菜谱原来仲有姜同黑椒，喜欢试新野既可以考虑。冻奶茶偏甜。无特别。随咖哩奉送一个薄饼，似内地既葱油饼，不过牛油味更重咖哩羊、鸡、炒饭、菜花都食得一半，侍应细心地包妥外卖。坐位分两
今晚点了一个脆饼，一个炸芝士，一个咖哩鸡(中辣)，一个玛莎拉羊肉(大辣)，一个香料菜花烩薯块，一个印式蔬菜炒饭，一杯印式辣饮，一杯冻玛莎拉奶茶。
跪饼卷成卷状，有D芝麻，有D牛油香，有少少咸味，配上一个绿色既薄荷酱。其实后来既咖哩有薄饼送，呢个可以唔叫都得。
炸芝士味道比想像中淡，似食紧炸豆腐，外跪内软。
菜花烩薯仔，菜花唔会太干，软身得来又吸到D汁，薯仔稍稔，略带粉，系我喜欢既质感。
咖哩鸡唔辣，鸡肉偏稔，有少少似煲完汤既肉，但个汁够香，似乎佢地对肉质既要求唔似我地。
玛莎拉羊肉，个肉汁杰好多，有D蕃茄同洋葱，可能因为咁，个汁又变得无咁辣，可能香料太劲，羊肉显得唔够膻。
个炒饭有D菜花，青椒，红萝卜，茄子，加左D黄姜去炒，食落比D咖哩仲辣。
杯印式辣饮咸咸辣辣，有D似咸柠七加左孜然粉，上网睇番既菜谱原来仲有姜同黑椒，喜欢试新野既可以考虑。
冻奶茶偏甜。无特别。
随咖哩奉送一个薄饼，似内地既葱油饼，不过牛油味更重
咖哩羊、鸡、炒饭、菜花都食得一半，侍应细心地包妥外卖。
坐位分两层，间隔算宽松，洗手间干净，无异味，环境清静。交通一般，地铁行去约5至8分钟。
价钱略贵，要加一，而且份量预错左，两个人应该唔洗$300既。
张贴
