alfafa Cafe (已結業)

嚟中环见完客顺便食埋下午茶先至走，呢度嘅下午茶有$49起，价格实惠，位置10分方便，食完就可以搭车过海返屋企。呢度望到德辅道中电车路，一路食一路望住中环佳景，感觉写意。点餐时才发现其实佢系DeliFrance集团的餐厅，我不嬲都好钟意食佢哋嘅牛角酥，所以点了一个烟三文鱼炒蛋法国牛角酥配意式杂菜通粉，跟餐加$9 配特色饮品，我都选择我最钟意嘅Cafe latte。我朋友食焗无添加激素鸡髀配薯条，焗鸡髀真系俾炸鸡髀更加健康，油份更少，鸡俾肉嫩滑，肉汁丰富，腌制入味。佢再加咗个蓝莓芝士$26，亦唔错。而家买满$40仲送自家制士多啤梨果酱，有得食又有得拎更抵。