泉章居 (已結業)

妈咪个朋友系香港人, 细细个全家移民左去美国, 每几年会番香港玩一次, 每次番嚟都嚷著要食荔茸香酥鸭, 话美国食吾到㖞！！前阵子佢又嚟左香港, 呀爸好有心咁上网睇下边到有这个𩠌菜食, 原来香港都很少地方有得食, 可能做嘅工夫太多, 无乜食店会整！！终于上天不负有心人, 呀爸睇到旺角嘅泉章居有香酥鸭食, 即刻带我妈咪个朋友同我哋去怀念一番！！我哋叫左半只荔茸香酥鸭, 嚟到见到卖相巳经好吾错, 一啖食落口, 芋泥多到漏出来, 鸭件就细细件, 芋泥就大大旧, 表皮炸得好香脆可口, 但我食左一件巳经觉得好漏!! 跟住叫左蟹肉扒豆苗, 哗, 成碟舖满蟹肉, 豆苗好青甜美味！！其他𩠌菜陆续上枱, 粉丝中虾煲, 粉丝煮得太淋, 吾好食, 中虾尚算新鲜！！霸王鸡好多葱舖系面, 好惹味, 鸡肉仲好嫩滑添！！芝士石斑块有好多汁, 鱼块全部大大旧, 够晒饱肚！！